MeroPalo

साथ् छोड्ने ले छोडदै गर्छन बालै भएन !
दिल तोड्ने ले तोड्दै गर्छन बालै भएन !!

जब मित्रता को कदर नगरी मान्छे हरुले !
मन मोड्ने ले मोड्दै गर्छन बालै भएन !!

मन मुटाव नै थिएन मबाट टाडा भएर. !
शिर फोड्ने ले फोड्दै गर्छन बालै भएन !!

भित्रि मनले आफ्नो ठान्नु गल्ति मेरो अन्तै !
नाता जोड्ने ले जोड्दै गर्छन बालै भएन !!

मित्रता को बाक्लो शिरक ओडाई राख्दा पनि !
बोरा ओड्ने ले ओडदै गर्छन बालै भएन !!

- विष्णु प्रसाद पाल्पाली

तिम्रो ताण्डव हेर्दै म नाँचे, उत्ताउलो के भयो
सुर ताल नमिल्ने खुट्टाको, बाउलो के भयो

खै! कुन चाँही हो ढुङ्गा, तिम्रो भगवानको
कोदो रोप्ने बारीमा उखलेको, राउलो के भयो

भट्टी भट्टी चाहारेर, साईली अनि माईलीको
अँगेनामा विरामी नानीको, जाउलो के भयो

रात विरात बिथोलेर, निद्रा छिमेकीको
भैंसीलाई कुँडो राखेको, ताउलो के भयो

ठूलै गोजी पो रहेछ, तिमीलाई बाँध्ने कात्रोको
मेरो लागि अचुक दबाई त्यो, काउलो के भयो

- चन्द्रविलास भूर्तेल ‘स्रिजन’
२०६९, फाल्गुण ०४, आईतबार
लक्जरी मुन्’स ड्रिमल्याण्ड, कोटेश्वर, काठमाण्डु

खुबै राम्रो गरि देखाउँछु भन्थ्यो फलानोले
आज आफ्नै खुट्टामा बन्चरो हान्यो फलानोले

समाज सेवा गरिटोपल्ने आफ्नै विकास गरी
निकै अकुत सम्पत्ति जोडी टोपल्यो फलानोले

फाईदा लुट्ने दाउमा पछि पछि धाउँथ्यो
चिप्ला चिप्ला बनावटी कुरा ल्यायो फलानोले

हेर्दा राम्रो बाहिर बोक्रो भित्र झन खोक्र्याथ्यो
मात्र एक कप चियामा जात फाल्यो फलानोले

अझै कति गिर्दो रहेछु भनी खुट्टा चाल्न छोड्यो
कालो बिरालो बनी मेरै बाटो काट्यो फलानोले

- चन्द्रविलास भूर्तेल ‘स्रिजन’

२०६८/०७/२१